As 15 ditë pas konfliktit ndërmjet serbëve vendas në veri të Kosovës dhe anëtarëve të misionit paqeruajtës të NATO-s KFOR, Brukseli praktikisht vendosi sanksione ndaj qeverisë në Prishtinë. Kosova ditët e fundit ka mbetur pa qindra milionë euro nga pakoja e madhe e mbështetjes financiare që Bashkimi Evropian synonte për zhvillimin e vendeve të Ballkanit Perëndimor.
Zëdhënësi i Bashkimit Evropian, Peter Stano, përdori një term më të butë – “masa” të përkohshme, duke i lënë hapësirë Prishtinës që të kthehet në tryezën e bisedimeve.
Tensionet në Kosovë kanë vazhduar që nga muaji maj, pasi kryetarët shqiptarë me ndihmën e policisë morën detyrën në katër komuna në veri, pas zgjedhjeve të jashtëzakonshme që u bojkotuan nga serbët e Kosovës, të cilat ndërprenë edhe procesin e normalizimit ndërmjet Kosovës dhe Serbisë nën kujdesin e Bashkimit Evropian dhe SHBA. Brukseli dhe Uashingtoni e qortuan seriozisht Kurtin për ndjekjen e një politike të pavarur.
Ashtu si Kosova, Komisioni Evropian e la dhe Bosnjën jashtë pakos financiare për Ballkanin Perëndimor me vlerë 2.1 miliardë euro, entitetin Republika Srpska dhe Malin e Zi. Megjithëse faktorët politikë nuk përmenden si arsye për anulimin e ndihmës, Brukseli ka përsëritur më parë disa herë se entiteti RS do të mbetet pa ndihmën shumë të nevojshme për shkak të politikës secesioniste të liderit të saj Milorad Dodik.
Tani shumë po pyesin se pse Brukseli reagoi kaq shpejt në rastin e Albin Kurtit, kur 800 kilometra më në veri, në Banja Luka, në vitet që kaluan, pa pothuajse në heshtje sesi lideri serb i Bosnjës Dodik provokonte kriza politike, duke kërcënuar shkëputjen e Srpska-s dhe duke rrezikuar paqen e fituar me vështirësi në Bosnje, shkruhet kështu në një analizë të Al Jazeera Balkan me autor Armin Aljoviç.
Para mohimit të kësaj jave të mbështetjes financiare për RS, Dodik i është ndaluar hyrja në Shtetet e Bashkuara që nga viti 2017 dhe nga viti 2022 do t’i ndalohet edhe hyrja dhe në Britaninë e Madhe. Ndërsa Bashkimi Evropian nuk mundi të arrinte një konsensus të bllokut 27 anëtarësh për sanksionet kundër Dodik, kryesisht për shkak të kundërshtimit nga Hungaria. Sipas pranimit të vetë Dodik, sanksionet amerikane dhe britanike nuk e shqetësonin shumë atë – ai as nuk udhëtoi dhe as nuk kishte ndërmend të udhëtonte në ato vende.
Kurti zgjodhi një kohë të keqe
Ndaj, duket se Kurti zgjodhi një moment të keq për të mos iu bindur aleatëve të tij kryesorë Uashingtonit dhe Brukselit, ndaj nuk patën për të durimin që kanë treguar deri më tani në rastin e Dodikut. Agresioni rus kundër Ukrainës, i cili kërcënon të destabilizojë të gjithë Evropën, i detyron aleatët perëndimorë të reagojnë shpejt dhe me vendosmëri.
“Kurti pritet të ndihmojë në zgjidhjen e krizës, jo të hakmerret. Kjo nuk është koha për të vepruar pa kompromis,” i tha Al Jazeera-s Denis Avdagiç, duke shtuar se “ky është problemi”.
Ndërsa Dodik ndonjëherë bën kompromise, siç përshkruhet nga Neven Anđeliç, profesor i marrëdhënieve ndërkombëtare dhe të drejtave të njeriut në Universitetin Regent të Londrës, Kurti është një arrë shumë më e fortë, ashtu si mësuesi i tij politik Adem Demaçi, i burgosuri politik më jetëgjatë në Jugosllavi, i cili gjithashtu nuk bëri kurrë kompromise.
“Dodik krijoi probleme dhe acaroi ndërkombëtarët me veprime dhe deklarata politike, por deklaratat retorike nuk i ktheu në praktikë. Kurti e ktheu retorikën e tij në veprime, shkaktoi probleme sigurie dhe destabilitet potencial jo vetëm në Kosovë por edhe në rajon”, tha Angjeliç për Al Jazeera-n. “Prandaj (Brukseli) reagoi shumë shpejt dhe prezantoi këtë formë sanksionesh ndaj Kosovës”.
Kokëfortësia e Kurtit u pa së fundi dhe në rastin e raporteve me homologun Rama, të cilin nuk pranoi të takonte në Prishtinë, paçka “lutjeve” të këtij të fundit.
Ndërkohë, do ishte befasi “kompromisi” i Kurtit pak javë më parë me LBGT-në, duke marrë pjesë “gëzueshëm” në paradën e tyre, në atë lloj që t’i sjell zorrët në grykë. /tesheshi.com/
