Shenja alergjie janë shfaqur te numëruesit e votave nga diaspora, e kjo sapo janë hapur kutitë e ardhura nga Serbia, siç konfirmojnë autoritetet në Prishtinë.
Besnik Buzhala nga divizioni i Shërbimit të Votuesve, tha se “janë diku rreth 26 zyrtarë që kanë pasuar alergji në duar dhe fytyrë”, ku gjysma e tyre po trajtohen në kushte spitalore.
“Ne në mëngjes i kemi pas zarfet edhe aty zyrtarëve u është shfaqë alergjia. Janë 5 kuti që kanë ardhur nga Serbia”, tha Buzhala.
Gjithsesi ai shtoi se nuk ka asgjë për t’u alarmuar, duke kundërshtuar të trajtohet mediatikisht si helmim, por vetëm si alergji. /tesheshi.com/
