Krizës maqedonase i është shtuar dhe një detaj tjetër që e thellon akoma dhe më tepër. Prej sot, krerët e komunave janë ligjërisht pa mandat, kjo që nga mesnata, gjë që i zhvesh ata nga statusi juridik për të firmosur çdo lloj shkrese.
Kjo vjen si pasojë e mosformimit të qeverisë së re, ku gjithçka ka ngecur tek Presidenti Ivanov. LSDM i ka çuar me shkrim garancitë e kërkuara për moscenim të unitetit të shtetit, por nga Presidenca ende nuk ka asnjë sinjal.
Zgjedhjet e reja lokale janë të parashikuara për në vjeshtë, ndërsa VMRO këmëngul që bashkë me to, paralel të zhvillohen dhe zgjedhje të parakohshme të përgjithshme, si e vetmja rrugë për zgjidhjen e ngërçit politik. /tesheshi.com/
