Shkaku i shpërthimit gjatë kësaj jave në një cisternë norvegjeze në Gjirin e Omanit mbetet ende i panjohur – tha kompania Frontline e anijes, duke shtuar se mundësia e “gabimit mekanik apo njerëzor” ishte përjashtuar.
“Kompanitë dhe të tjerët, duke përfshirë zyrtarët e qeverisë, do të hetojnë plotësisht rastin në mënyrë që të zbulojnë shkakun”, tha kjo kompani.
Kompania njoftoi se shpërthimi i tankerave ndodhi të enjten rreth orës 7 të mëngjesit me kohën e Evropës Qendrore, menjëherë pas kalimit të ngushticës së Hormuzit.
Duke kujtuar tensionin në rritje në rajon dhe duke pritur informacion të plotë mbi shkaqet e shpërthimit në Front Altair, kompania njoftoi se do të ishte “jashtëzakonisht e kujdesshme në lidhje me kontratat e reja në rajon” dhe do të konsultohet me ekspertët e sigurisë.
Shtetet e Bashkuara kanë fajësuar Iranin për këtë rast, si dhe për të tjera të ngjashme në zonë, ndërsa Teherani shkarkon përgjegjësinë nga vetja. /tesheshi.com/
