Heqja e një pjese të sanksioneve në fillim të këtij viti ndaj Iranit, pas marrëveshjes bërthamore me fuqitë e mëdha, i ka dhënë mundësi kompanisë britanike të fluturimeve, British Airways, të rinisë aktivitetin me këtë vend.
Do të ketë gjashtë fluturime në javë për në Teheran, ndërkohë që në një kohë të mëvonshme do të kalohet në fluturime të përditshme për në kryeqytetin e Iranit.
Fluturimet qenë pezulluar në tetor të 2012-tës, teksa situata në Iran ishte e paqëndrueshme. British Airways e ka përshkruar Teheranin si një destinacion të rëndësishëm për kompaninë.
“Teherani është një destinacion i rëndësishëm për British Airways, dhe duam të garantojmë që shërbimi që ofrojmë i përmbush standardet më të larta që pasagjerët tanë i presin me të drejtë nga ne prej ditës së parë.”
Gushtin e shkuar do të rihapej dhe ambasada britanike në Teheran. /tesheshi.com/
