Komiteti Teknik nuk ka ndryshuar asgjë në vendimmarrjen COVID pas skadimit të asaj që u vendos javë më parë për një orë policore 22.00 – 6.00. Kjo do vijojë dhe tre javë të tjera u njoftua nga Komiteti COVID.
“Kufizimi i lëvizjes do të jetë sërish nga ora 22:00 – 06:00 në të gjithë vendin, me përjashtim të lëvizjes për motive pune, emergjenca shëndetësore apo nevoja të domosdoshme. Ndalohet grumbullimi mbi 10 persona në vende të hapura dhe të mbyllura.
Ndalohen aktivitetet e bareve – restoranteve nga ora 22:00 – 06:00 (përveç shërbimit delivery). Smart-working për administratën publike (sipas specifikës së sektorit) në zbatim të protokolleve të sigurisë.
Përjashtim bëjnë strukturat ofruese të shërbimeve duke zbatuar protokollet e sigurisë. Këto masa do të hyjnë në fuqi ditën e mërkurë në 11 Nëntor dhe do të zgjasin deri në 3 javë. Masat do të rishikohen çdo javë në varësi të situatës dhe dinamikës së ngjarjeve”, tha zv.ministrja e Shëndetësiëë Mira Rakacolli.
Por ç’efekt ka dhënë kjo masë deri më tani?
“Infektimi në këtë kohë ku kanë qenë masat ka qenë 1.2 herë më ulët, qarku që mban peshën më të madhe është Tirana, ndjekur nga Gjirokastra dhe Lezha.
Vazhdon të jetë i lartë niveli i riskut, java e fundit ka treguar një ndikim dhe po përvijohet të vlerësohet situata”, u tha nga anëtarja tjetër e Komitetit, Eugena Tomini. /tesheshi.com/
