Në mbledhjen e radhës së Komitetit Teknik COVID u tha se situata aktuale e infektimeve ka kaluar cakun e të qënit “nën kontroll”.
“Rritje të numrit të rasteve, incidenca javore ka shkuar në 209 raste për 100 mijë banorë. Është një rritje e rëndësishme pasi dy javë më parë ishte nën 200. Këtë tavan prej 200 e kërkojnë edhe vendet e tjera.
Nga ana tjetër edhe incidenca dyjavore është rritur. Kemi edhe rritje të të shtruarve në spital por edhe në numrin e të vdekurve. Vihet re një rritje graduale në të gjitha bashkitë e vendit. Vërehet një rritje e rasteve në të gjitha grupmoshat”, tha Shefja e Sëmundjeve Infektive në ISHP, Silva Bino.
Sipas ekspertëve, kjo është pasojë e moszbatimit të masave gjatë festave të fundvitit.
” Kjo rritje ka lidhje me moszbatim e duhur të masave për festat e fundvitit.
Deri tani situata vijon të mbetet të kontrolluar dhe për këtë arsye u vendos vazhdimin e ndërprerjes së fluturimeve me Britaninë e Madhe deri në një urdhër të dytë. Në lidhje me universitetet po punojmë më ministren e Arsimit për të vlerësuar mundësitë për dhënien e provimeve në auditorë. Do të kemi një vendim së shpejti për këtë në fund të javës”, tha zv.ministrja Rakacolli. /tesheshi.com/
