Komisioni Shtetëror Zgjedhor në Maqedoni ka mundësuar qasje të lirë për çdo qytetar, i cili dyshon që emri i tij ndodhet në listën e votuesve të kontestueshëm apo jo. Ky komision ka publikuar listën me emra dhe mbiemra të 89 mijë votuesve të kontestueshëm, të cilët do të kontrollohen nga ana e kontrollorëve të KSHZ-së gjatë ditëve të ardhshme.
Vendimi është marrë mbrëmë me shumicë nga ana e anëtarëve të Komisionit Shtetëror Zgjedhor, ku sipas disa anëtarëve do të rritet transparenca, ndërsa disa të tjerë kanë vlerësuar se me këtë minohet kontrolli në terren, pasi publikohen informata të besueshme.
Me këtë opsion, të ashtuquajturit votues të kontestueshëm do të kuptojnë para kohe që anketuesit e KSHZ-së do të trokasin në derën e votuesit të kontestueshëm.
Më poshtë portali tesheshi.com ua sjellë të gjithë numrat, ose të dhënat jokonsistente të të dhënave për votuesit e dyshimtë në komuna.
Nga e gjithë kjo mund të vërehet se komuna e Çairit të Shkupit ka më së shumti votues të kontestueshëm, pra 17 mijë. Më pas radhitet qyteti Kumanovës me 11 mijë e 676 votues, Karposhi 6 mijë e 864 dhe të tjerë.
Çair – 17.041
Kumanovë -11.676
Karposh – 6.864
Qendër – 6.722
Tetovë – 6.293
Gazi Babë – 5.720
Gostivar – 4,383
Manastir – 3,849
Kisella Vodë – 2.219
Veles – 2.139
Shtip – 2,137
Prilep – 2,113
Strugë – 1,925
Ohri dhe Debërc – 1.853
Strumicë – 1,397
Kiçevë – 1,359
Gjevgjeli – 1263
Probishtip – 1.180
Koçani – 1,158
Kavadar dhe Rosoman – 1.157
Resnjë – 890
Dibër dhe Qendra Zhupë – 832
Radovish – 557
Kriva Pallankë – 512
Dellçevë – 421
Vinicë – 341
Sveti Nikollë – 249
Negotinë dhe Demir Kapi – 222
Krushevë – 183
Demir Hisar – 169
Valandovë – 164
Kratovë – 140
Berovë – 118
Makedonski Brod – 101
