Komisioni Shtetëror i Zgjedhjeve në Maqedoni ka informuar se fushata për zgjedhjet e parakohshme parlamentare, që do të mbahet më 11 dhjetor nis të hënën, më 21 nëntor. Në një njoftim zyrtar thuhet se që nga dita e shpalljes së zgjedhjeve e deri në fillim të fushatës zgjedhore mediat audio-vizive, apo ato të shkuara (gazeta dhe portale online) nuk mund të publikojnë reklama të paguara nga kandidatët politikë.
“Nga dita e shpalljes së zgjedhjeve e deri në përfundimin e tyre, radiodifuzerët, mediat e shtypit dhe mediat elektronike ( portalet online) nuk guxojnë të metojnë, të publikojnë reklama të financuara nga buxheti i Republikës së Maqedonisë, nga buxheti i komunave dhe nga ai i qytetit të Shkupit, si dhe të gjithë personave tjerë të cilëve me ligj u është besuar kryerja e autorizimeve publike”, informon KSHZ.
Nga Komisini zgjedhor theksohet se ata që nuk do t’u përmbahen dispozitave do t’u nënshtrohen procedurave ligjore të përcaktuara në nenin 181 dhe 182 nga Kodi zgjedhor./Mensur Krasniqi-tesheshi.com
