Komisioni Evropian, ekzekutivi kryesor i BE, pretendon se nuk ka hapje të negociatave të reja mbi marrëveshjen tashmë të rënë dakord të shpërbërjes midis Mbretërisë së Bashkuar dhe Bashkimit Europian (Brexit).
Ata theksuan se nuk përjashtojnë mundësinë për negociata për një deklaratë politike që përmban konturet e marrëdhënieve të ardhshme mes dy palëve.
“Ne jemi gjithmonë të gatshëm të takohemi dhe të bisedojmë, por përsërisim: marrëveshja nuk është e hapur për negociata”, tha Margaritis Schinas, një zëdhënëse e Komisionit.
Më herët, në seancën plenare të Parlamentit Evropian në Strasburg, negociuesi kryesor evropian Michael Barnier tha se BE është gati për të diskutuar mbi marrëdhëniet e ardhshme.
Kjo, megjithatë, varet nëse Britania e Madhe do të heqë dorë nga pikëpamjet e saj, ose ndryshe vijat e kuqe që nuk pranojnë të diskutohen.
Me këtë, pikëpamja është se ata nuk duan të jenë pjesë e një tregu të vetëm dhe një bashkimi doganor. /tesheshi.com/
