Partia Socialiste përcaktoi drejtuesit e 5 komisioneve parlamentare që i takojnë në Kuvend, ndërsa 3 të tjerë i përkasin opozitës.
Ajo që bie në sy është fakti se Sajmir Tahiri, ish-ministër i Brendshëm, është lënë mënjanë, duke mos marrë asnjë funksion, ndërsa një gjë e tillë nuk ndodh me emra të tjerë që kanë qenë pjesë e qeverisë “Rama1”.
Pasi e la jashtë qeverisë “Rama2”, kreu socialist, njëherësh edhe kryeministër, duket se i ka dhënë goditjen e dytë ish-ministrit, që rezulton të jetë më i sulmuari dhe i akuzuari nga opozita përgjatë mandatit të kaluar qeveritar.
Emrat nga PS për Komisionet Parlamentare
Vasilika Hysi, nënkryetare e Kuvendit
Ervin Bushati, sekretar i grupit parlamentar
Erjon Braçe, kryetar i komisionit të Ekonomisë
Ulsi Manja, kryetar i komisionit të Ligjeve
Ermonela Felaj, kryetare e komisionit të Sigurisë
Eduart Shalsi, komisioni për Veprimtarinë Prodhuese
Milva Ikonomi, komisioni i Arsimit
Elisa Spiropali, nënkryetare e komisionit të Shëndetësisë
Mimi Kodheli, nënkryetare e komisionit për Politikat e Jashtme
Bled Çuçi, nënkryetar i komisionit të Integrimit /tesheshi.com/
