Kuvendi u mblodh në mbrëmje pa praninë e opozitës për të votuar tre anëtarët e komisionit ad-hoc për reformën në Drejtësi.
Ndryshe nga çfarë i kishte premtuar aleatit të tij Shpëtim Idrizi, PS-ja e ka rrëzuar emrin e tij si përfaqësues i mazhorancës në këtë komision.
Nga ana tjetër PS-ja ka treguar shenjën e fundit të besnikërisë ndaj LSI-së duke e votuar në bllok emrin e saj për këtë komision, deputetin Luan Rama.
Ky votim rrëzon një marrëveshje të mëparshme PS-PDIU dhe e nxjerr Idrizin në një pozicion të vështirë. Atij i duhet të marrë vendim për të dalë në opozitë apo për të vijuar aleancën me Ramën, i cili e preu në besë sot.
Kur të gjithë prisnin daljen e LSI-së nga qeveria, votimi në Kuvend çimenton nuk dihet dhe për sa kohë aleancën Rama-Meta dhe rrëzon aleatin tjetër të PS-së, Idrizin.
Votimi:
Ulsi Manja: 78 vota pro
Vasilika Hysi: 80 vota pro
Luan Rama: 85 vota pro
Shpëtim Idrizi: 23 vota pro, 7 kundër, 50 abstenim /tesheshi.com/
