Kryetar i Komisionit për të Drejtat e Njeriut dhe pakicave në Serbi ka kundërshtuar vendimin e shqiptarëve të Luginës së Preshevës për shpalljen e Asocacionit të Komunave.
“Ata e bëjnë këtë duke tejkaluar Këshillin Kombëtar të Shqiptarëve dhe në këtë mënyrë abuzojnë me këtë institucion. Në asnjë pjesë kompetencës së Këshillit në bazë të ligjit nuk është shkruar se mund të merren me çështje që kanë të bëjnë me organizimin territorial të shtetit apo çështje që lidhen në baza kombëtare”, tha Omeroviç për Anadolu Agency.
Omeroviç, shtoi se ” nuk e di nëse shqiptarët po dërgojnë mesazh për të treguar që janë mbi komunitetet e tjera minoritare apo për ata vlejnë rregulla të veçanta?”.
Omeroviç shtoi se është qëllimkeqe krahasimi i marveshjes së Brukselit dhe kopjimi i diçkaje që ishte rënë dakord atje duke u përpjekur që të tërheqin vëmendjen drejt tyre, si dhe ndërkombëtarizimin e një problemi që nuk ekziston.
“Kjo dëshmohet nga fakti se disa parti shqiptare janë kundër saj”, tha Omeroviç dhe theksoi: “A është kjo një përpjekje për të implikuar dhe të tjerët në eksperimente të ngjashme, për shembull, boshnjakët, bullgarët, hungarezët, sllovakët, romët dhe të tjerë, se duhet të fillojnë që të bëjnë asociacionet e komunave në të cilat ata kanë përfaqësues ose shumicën e popullsisë?”.
/tesheshi.com/
