Komisioni hetimor ndaj aferës CEZ po degradon në përplasjen verbale mes kreut të tij, Taulant Balla dhe të birit të ish-kryeministrit Berisha, Shkëlzen Berisha, i thirrur me statusin e dëshmitarit.
Dhe në mbledhjen e radhës këtë të martë, mes tyre pati përplasje derisa Balla u detyruar ta nxjerrë Berishën nga salla e komisionit.
Shkak u bë këmbëngulja e këtij të fundit për largimin e Ballës si kryetar, pasi pretendohet për konflikt interesi. Teksa morri fjalën, Berisha iu drejtua Ballës si me “i dënuar”, ndërsa të tjerëve me “të nderuar”.
Edhe pse ky komision është i një rëndësie të veçantë pasi bëhet fjalë për një ndër aferat më skandaloze ky korrupsioni qeveritar ka bërë kërdinë, e ku në të kanë përlyer duart shumë aktorë politikë e jo të tillë, ai po degradon në një duel Balla-Zen Berisha. /tesheshi.com/
