Teksa orët e votimit të reformës në drejtësi po afrojnë, edhe diplomacia e Brukselit është angazhuar fort për ta zgjidhur ngërçin e rëndë në politikën shqiptare.
Komisioneri për Zgjerimin, Johanes Hahn ka parashtruar së fundi dhe një alternativë në rast se të martën e 21 korrikut reforma nuk votohet në parlament.
“Nëse nuk votohet reforma, ka mundësi të mbahet një referendum”, ka deklaruar Hahn, duke shtuar se është e domsdoshme që të vijë një rezultat pozitiv nga Shqipëria; dhe për këtë ka ftuar europarlamentarët që të nxisin politikanët shqiptarë që të arrijnë konsensusin e dëshiruar.
“Vendimi duhet të jetë transparent për të treguar gjithëpërfshirje. Jemi informuar se është rënë dakord për procedurat që do të ndiqen”, ka shtuar më tej Hahn. Më tej Hann ka bërë me dije se eurodeputetë do të zhvillojnë biseda telefonike me deputetët shqiptarë, në funksion të një vote unanime për reformën në drejtësi. /tesheshi.com/
