Presidenti Trump është përballur me disa incidente diplomatike fundjavën e kaluar, kapur e komentuar nga mediat franceze e ato britanike.
Ishte Le Monde ajo që vuri në dukje president amerikan, bëri një gafë të rëndë në një takim ku ngatërroi vendet balltike me ato ballkanike, dhe më pas anulloi një vizitë në varrezat e amerikaneëve në Belleau franceze, e cila është me rëndësi të madhe historike për ushtrinë amerikane, për shkak se – shiu …
Nipi i Winston Churchill-it, Nicholas Somaes, i tha atij: “Ata vdiqën në një luftë për ballëpërballë me armikun”, ndërsa komenti i Donald Trump ishte se “moti nuk qe i përshtatshëm për t’i nderuar ata”.
Nicolas Burns, diplomati amerikan që shërbeu dhe në administrën republikane e atë demokrate, tha se ai ishte i tronditur nga vendimi – ashtu si shumë organizata të veteranëve amerikanë – veçanërisht duke qenë se Trump ka dërguar përfaqësuesit e tij për t’i vizituar këto varreza.
Ndërsa sa i përket të parës, Le Monde saktëson se Trump, në një takim me udhëheqësit e Estonia, Lituania dhe Letonia – të cilët ishin duke vizituar Uashingtonin dhe Shtëpinë e Bardhë – mbetën të hutuar kur u ndjenë të sulmuar për luftrat në ish-Jugosllavi.
Dalia Grybauskaite (Lituani), Kersti Kaljulaid (Estoni) dhe Raimonds Vējonis (Letoni), sipas Le Monde, panë njëri-tjetrin me habi, duke e kuptuar më pas se Trump po ngatërronte Baltikun – pra, ku bëjnë pjesë këto vende – me Ballkanin.
Ndërsa The Guardian kujton se e gjitha kjo duket e çuditshme, duke pasur parasysh se gruaja e tij Melania Trump është nga Sllovenia, vendi i parë që u shkëput nga ish-Jugosllavia.
Tani për tani, Shtëpia e Bardhë nuk ka komentuar mbi këto komente. /tesheshi.com/
