Qeveria britanike deklaroi se pikëpamjet e shprehura nga sekretari i Jashtëm, Boris Xhonson për Arabinë Saudite nuk përfaqësojnë ato të Downing Street. Mohimi nga qeveria i komenteve të kryediplomatit Xhonson vjen ndërsa janë publikuar filmime nga një aktivitet i javës së kaluar, ku Xhonson thotë se aleatja e Britanisë, Arabia Saudite është angazhuar në luftëra të autorizuara në Lindjen e Mesme. Zëdhënësja e kryeministres May tha se këto janë pikëpamje personale të sekretarit të Jashtëm.
Korrespondenti diplomatik i BBC-së, James Landale e cilësoi një shuplakë goxha të rëndë për Xhonson, këtë incident. Komentet e veta ai i bëri gjatë një konference në Romë por ato u publikuan vetëm pas gazeta “The Guardian” nxori filmime nga takimi.
Në konferencë, sekretari i Jashtëm thotë: “Ka politikanë që po shtrembërojnë dhe abuzojmë me besimin dhe me rryma të ndryshme të të njëjtit besim në mënyrë që të çojnë përpara objektivat e tyre politike.
Ky është një nga problemet më të mëdha në të gjithë rajonin. Dhe një tragjedi për mua dhe arsyeja përse mbahen gjallë luftëra të tilla në rajon gjatë gjithë kohës, është se nuk ka lidership të fortë mjaftueshëm në vetë këto vende”.
Johnson shtoi duke folur në konferencën Med 2: “Nuk ka personazhe të mëdha, njerëz të mëdhenj, burra apo gra që kanë vullnetin për të dalë sipër ndasive suni-shiite apo çfarëdo grupi tjetër dhe të bashkojnë popullin e të zhvillojnë një histori kombëtare sërish”.
“Një gjë e tillë mungon dhe kjo është tragjedia”, tha ai, duke shtuar se rajoni ka nevojë për lidership vizionar.
Në vijim Xhonson shtoi: “Kjo është arsyeja përsa sauditët, Irani, çdokush, hyn në rajon dhe luan me autorizime luftërash”
Korrespondenti diplomatik i BBC-së, thotë se Xhonson mund të ketë thënë “pak nga e vërteta” por e gjitha ishte tepër e sikletshme për qeverinë dhe për këtë shkak erdhi edhe “shuplaka” e mohimit. Ai thotë se shumë njerëz do të binin dakord me analizën se shumë konflikte në Lindjen e Mesme janë luftëra me autorizim të luftuara mes fraksioneve sunite dhe shiite, shpesh në formën e Iranit dhe Arabisë Saudite që mbështesin palët e kundërta, si në Siri apo në Jemen.
Sidoqoftë, ky nuk është pozicioni zyrtar i qeverisë, shton korrespondenti.
Britania e Madhe e ka mbështetur konfliktin e sauditëve në Jemen jo për shkak se është një luftë e autorizuar, por sepse beson se strategjikisht është gjëja e duhur për të ndihmuar Jemenin të mos shndërrohet në një shtet të dështuar. Korrespondenti diplomatik i BBC-së, në analizën e tij shton se duke e cilësuar këtë konflikt si luftë të autorizuar dhe lojë me marioneta, sekretari i Jashtëm rrezikon të fyejë sauditët.
Komentet e Downing Street nga ana tjetër vijnë në një kohë që kryeministria Theresa May sapo është kthyer nga një vizitë në vendet e Gjirit, ku ajo pati një darkë me liderët e Arabisë Saudite, Kuvajtit, Emirateve të Bashkuara Arabe, Katarit, Bahreinit dhe Omanit.
Zëdhënësja e May tha se kryeministrja dëshiron të forcojë marrëdhëniet me Arabinë Saudite duke konfirmuar se mbështet koalicionin e drejtuar nga sauditët pro qeverisë legjitime të Jemenit kundër rrebelëve huthi.
Sekretarja e jashtme në hije, Emily Thornberry, ndërkaq, akuzoi qeverinë për hipokrizi të pastër. Ndërsa Robert Lacey, historian dhe autor i librit “Mbretëria dhe Shtëpia e Saudit” tha se ndërsa bie dakord me komentet e Xhonson, ka dyshime nëse ai duhet të deklarojë gjëra të tilla për një aleat. Sipas tij, komentet e Xhonson janë një gafë dhe se Xhonson po sillet më shumë si gazetar, sesa për pozicionin zyrtare që mban.
Përgatiti: Juli Prifti – /tesheshi.com/
