Komisionerja për Zgjerimin e Bashkimit Evropian Marta Kos iu drejtua Forumit Ekonomik Botëror në Davos dhe u dërgoi një mesazh vendeve të Ballkanit Perëndimor.
Zgjerimi i Bashkimit Evropian është një proces i bazuar në merita, jo në një kornizë kohore, tha Kos gjatë diskutimit “Zgjerimi për prosperitet: A do të rritet Evropa?”.
“E dini, ndonjëherë i dëgjoj vendet e Ballkanit Perëndimor që thonë se kanë pritur kaq gjatë. Nuk ka të bëjë me sa kohë kanë pritur. Ka të bëjë me vullnetin e tyre politik dhe sa mund të ofrojnë,” theksoi Kos, si ta kishte fjalën për Edi Ramën, ankimtarin më të madh në rajon në lidhje me procesin e anëtarësimit, kritik deri dhe cinik ndaj BE-së, e cila sipas tij po vonon tej mase zgjerimin në Ballkan.
Sipas saj, Bashkimi Evropian monitoron nga afër se çfarë po ndodh në vendet kandidate për anëtarësim dhe në përgjithësi atyre u kërkohet të përmbushin disa kushte mbi bazën “merre ose lëre”.
“Më vjen keq që duhet ta them kaq hapur”, tha Kos, duke shtuar se aktualisht nuk ka asnjë mundësi për të negociuar për vlerat themelore që janë të rëndësishme për BE-në.
Sipas Kos, nëse krahasojmë procesin e pranimit të Maqedonisë së Veriut, e cila është kandidate, Ukraina do të bëhet anëtare e BE-së vetëm në vitin 2045.
Ajo beson se procesi i zgjerimit është një proces i bazuar në merita, jo një garë me kohën.
Kos përsëriti se Bashkimi Evropian po monitoron nga afër situatën në vendet kandidate dhe se ato përgjithësisht janë të detyruara të plotësojnë disa kushte mbi bazën “merre ose lëre”. /tesheshi.com/
