Rivalitetin e lënë anash kur bëhet fjalë për kombin e tyre. Disa tifozë shqiptarë të klubeve të futbollit të Milanos, Milanit dhe Interit, janë bërë bashkë për t’iu kundërpërgjigjur tifozëve serbë që shpalosën një banderolë gjatë duelit të javës së shkuar ndërmjet Interit dhe Karpit ku shkruhej, “Kosova është Serbi”.
Tifozët shqiptarë kanë zgjedhur të reagojnë në ndeshjen më të rëndësishme të vitit, duke shpalosur mbrëmë, gjatë derbit Milan – Inter, banderolën në të cilën shkruhej: “Kosova është Shqipëri”.
Veprimi patriotik i tifozëve shqiptarë ka gjetur vend në rrjetet sociale, e përshtypje ka bërë bashkimi i tyre për t’i dalë në krah kombit edhe pse ndeshja i kishte ndarë në kampe të kundërta. /tesheshi.com/
