Avioni special që mbante kombëtaren shqiptare të futbollit ka mbërritur në aeroportin e Rinasit, thuajse fiks me fillimin e edicionve të lajmeve të televizioneve kryesore në vend dhe çdo gjë u bë në lidhje direkte dhe me regji qëndrore.
Si të kishin bërë prova më parë, stafi i kombëtares trajneri dhe krerët e federatës kanë zbritur shkallët me hapa ceremonial, ku më pas janë përqafuar një nga një me Kryeministrin Edi Rama dhe ministren e Arsimit, Lindita Nikolla.
Politika e ka future në sallonet e veta të gjithë ceremoninë e pritjes së kombëtares duke i dhënë shumë pak hapësirë njerëzve të dalë në rrugë që nga Rinasi dhe duke i dhënë rëndësi salloneve dhe transmetimeve direkte.
Fatkeqësisht lojtarët në këtë rast u përdoën sis fond skenografie, edhe pse kuqezi. Megjithatë ceremonia që vijoi më pas në kryeministri ishte solemnte për t’i dhënë peshë eventit.
Më pas Kryeministri ka mbajtur një fjalim “shumë intelektual” për futbollistët. Rama ka deklaruar se ceremoninë e kishte përgatitur sido të shkonte rezultati në Armeni. Ai tha se kishte marrë një mesazh nga homologu i tij Italian, Massimo Renzi: “Rroftë Shqipëria që hyri në Europën e Futbollit, ju presim edhe në Europën e kombeve”.
Rama e ka cilësuar sfidën e kombëtares si thelbin e asaj që duhet të bëjë Shqipëria si komb pra që të ecë përpara me sakrifica duke ëndërruar se nuk ka gjë që nuk bëhet nëse nuk ka vullnet.
Rama më pas nderoi kombëtaren shqiptare me “Medaljen e Mirënjohjes”. Kapiteni Lorik Cana që ka tërhequr medaljen tha se përveç bashkimit të djemve nga të gjithë trevat, një arritje e tyre është edhe perfeksionimi edhe i gjuhës letrare. Kapiteni Cana ka shtuar duke cituar kreun e Ballit Kombëtar intelektualin e njohur Mit’hat Frashri se “Shqiptarët do të fitojnë betejat me të tjerët kur të fitojnë betejat mes vetes”. Më pas kapiteni Cana tha se Shqipëria në Europian do të shkojë me pretendime dhe jo si Shqipëri e Vogël por si Shqipëri e Madhe.
Më pas Edi Rama ka nderuar trajnerin Gianni de Biasi, duke folur italisht dhe më pas duke i përkthyer fjalët po vetë, duke e quajtur Gianni o Xhan.
Kryeministri Edi Rama ka evoluar ndeshjen me Serbinë duke deklaruar më pas ndërtimin e një stadium të madh që do të quhet: Arena Kombëtare” dhe që ia dedikoj djemve të kombëtares.
“Nuk do ta harroj kurrë dhomën e zhveshjes pas ndeshjes në Elbasan Arena, me kokat e fshehura dhe trupat e ngrirë, britmat e trajnerit dhe vështrimin e kapitenit. Ishte momenti dramatik i vetmisë në rrugën e mundimshme pranë majës. Në fakt fati është me ata që nuk dorëzohen dhe sfida juaj pas humbjes therrëse ishte pikërisht me vetveten tuaj. Ose do ta fitonit ju, ose do ta humbisnit ju. Gjithçka varej nga forca që do të gjendnit brenda jush pas braktisjes që patët një ndeshje më parë. Unë ndihem shumë me fat që mu dha mundësia të jem mes jush, ndaj dhe dua t’iu uroj për fitoren e brendshme. Këtë ceremoni e kisha përgatitur pavarësisht nga rezultati. Sot rrugët janë plot dhe përsëri do të ishim këtu po të kishim humbur dje.
Edhe sikur të mos ia kishit dalë në këtë arritje të paprecedent, kjo kombëtare do të ishte në majën më të lartë të historisë së futbollit shqiptar, sepse si kurrë më parë ju e bëtë Shqipërinë dhe shqiptarët të preknin ëndrrën e daljes në në Europian. Ju fituat, barazuat e humbët, u ngjitët, u rrëzuat dhe u ringjitët, duke shkruar një faqe të lavdishme në histori. Çfarëdo që të ndodhte mbrëmë, sot do të jepja për ju se kemi vendosur së bashku me presidentin Duka, se kemi nisur punën për ndërtimin e stadiumit të ri të Kombëtares kuqezi. ’Arena Kombëtare e Tiranës’ do t’iu dedikohet juve. E bëmë ‘Elbasan Arenën’ për të gjetur në strehë, sepse ju duhej për të mos luajtur ndeshjet diku tjetër. “Loro Boriçi” do të ishte gati për ndeshjen me Serbinë, por UEFA kërkoi që ndeshja të luhej në Elbasan, për arsye të sigurisë së rreptë. Tashmë mendoj se stadiumi kombëtar, edhe më i madh se këta të dy, është një detyrim për ju”, tha Rama. /tesheshi.com/
https://www.youtube.com/watch?v=qKg_L-vYTn4
