Ekspertët e pavarur të Kombeve të Bashkuara thanë të në një raport se vdekja e ish-presidentit egjiptian Muhamed Mursi, i cili ndërroi jetë në qershor të këtij viti pasi u rrëzua në gjykatë, mund të lidhej me “një vrasje arbitrare të aprovuar nga shteti”.
Udhëheqësi i Vëllazërisë Myslimane u burgos në “kushte që mund të përshkruhen si brutale, veçanërisht gjatë pesë viteve që ai kaloi në burgun e Torah”, thanë ekspertët në një deklaratë.
Vdekja e tij “pas kushteve të tilla mund të lidhet me ‘vrasje arbitrare të aprovuar nga shteti”, tha një ekip ekspertësh të udhëhequr nga raportuesi special Agnes Callamard.
Mursi, presidenti i parë i zgjedhur në mënyrë demokratike në Egjipt, u burgos pasi u rrëzua në korrik 2013 nga gjenerali Abdel Fattah al-Sisi, komandanti ushtarak dhe presidenti aktual i Egjiptit.
Ai kaloi gati gjashtë vjet në burg, në izolim, pa kujdes shëndetësor për diabetin dhe hipertensionin, thanë ekspertët.
Ata theksuan se autoritetet ishin paralajmëruar vazhdimisht për përkeqësimin e shëndetit të tij, gjë që çoi më pas në vdekje.
Nuk ka asnjë provë që autoritetet iu përgjigjën paralajmërimeve edhe pse pasojat ishin të parashikueshme, sipas raportit të tyre. /tesheshi.com/
