Asambleja e Përgjithshme e Kombeve të Bashkuara ka aprovuar një rezolutë që dënon shkeljet e të drejtave të njeriut kundër Rohinjave dhe pakicave të tjera në Mianmar, përfshirë arrestimet, torturat, dhunimet dhe vrasjet.
Raportohet se 134 shtete votuan pro, nëntë kundër dhe 28 abstenuan. Rezoluta i bënë thirrje qeverisë së Mianmarit që të ndërmarrë veprime urgjente për të luftuar gjuhën e urrejtjes, raporton AP.
Rezolutat e Asamblesë së Përgjithshme të KB nuk janë juridikisht të detyrueshme, por ato përcjellin një gjykim mbarëbotëror.
Mijëra muslimanë rohinja janë vrarë dhe më shumë se 700,000 kanë ikur në Bangladesh për shkak të dhunës së vitit 2017 në këtë vend, ku budistët janë shumica.
Autoritetet e Mianmar pohojnë se nuk ka përndjekje në bazë kombëtare, por se ata kanë luftuar një kërcënim ekstremist. /tesheshi.com/
