Kombet e Bashkuara kanë paralajmëruar për “përdorimin disproporcional të forcës” nga policia kundër protestuesve në protestat anti-racizëm në qytetet e SHBA dhe ka shprehur shqetësimin për “arrestimin e mundshëm arbitrar” të protestuesve.
“Protestat paqësore në qytetet e Shteteve të Bashkuara duhet të vazhdojnë,” tha Elizabeth Throssel, një zëdhënëse e Komisariatit të KB për të Drejtat e Njeriut, raporton AFP.
Ajo shtoi se protestuesit dhe gazetarët që mbulojnë protestat duhet të çlirohen nga rreziku i “arrestimeve arbitrare ose përdorimit jo-proporcional të forcës” nga policia.
Departamenti amerikan i Drejtësisë të enjten hapi një hetim mbi veprimet e diskutueshme të policisë në Portland, ku policia u përlesh me protestuesit e anti-racizmit.
Videot e transmetuara në mediat sociale tregojnë anëtarët e Policisë Federale të SHBA me uniformë dhe me pajisje ushtarake duke dalë papritmas nga automjeti për të arrestuar protestuesit.
Demonstratat kundër racizmit filluan në fund të majit, pas vdekjes së afrikano-amerikanit George Floyd, ardhur nga një arrestim brutal prej një oficeri policor të bardhë.
Presidenti Donald Trump urdhëroi vendosjen e policisë federale në disa qytete, me qëllim të “vendosjes së rendit dhe qetësisë publike”, gjë që provokoi kritika nga demokratët. /tesheshi.com/
