Raketat e përdorura në disa sulme ndaj naftës saudite dhe ndaj aeroportit ndërkombëtar në Arabinë Saudite vitin e kaluar ishin “me origjinë iraniane”, tha sekretari i Përgjithshëm i KB Antonio Guterres para Këshillit të Sigurimit në një raport që Reuters kishte akses.
Guterres tha gjithashtu se disa nga armët e sekuestruara nga Shtetet e Bashkuara në nëntor 2019 dhe shkurt 2020 ishin me “origjinë iraniane”.
Disa prej tyre kishin karakteristika të ngjashme me ato të prodhuara në Iran, ose kishin marka iraniane.
Guterres shtoi se “këto gjëra mund të jenë transferuar në një mënyrë që është në kundërshtim” me një rezolutë të Këshillit të Sigurimit 2015, i cili parashikon marrëveshjen e Teheranit me fuqitë botërore për të parandaluar zhvillimin e armëve të tij bërthamore.
Misioni iranian në KB nuk iu përgjigj menjëherë një kërkese për koment për raportin.
SHBA po i kërkon Këshillit të 15 vendeve që të zgjasë një embargo armësh ndaj Iranit për shkak të skadimit në tetor, por Rusia dhe Kina, të cilat kanë fuqinë e vetos, tashmë kanë sinjalizuar se nuk do ta mbështesin atë.
Guterres tha se dronët që u përdorën gjithashtu në sulmet në maj dhe shtator ndaj Arabisë Saudite, ishin me “origjinë iraniane”.
Arabia Saudite më parë ka shprehur bindjen se sulmet në infrastrukturën e naftës ishin “padyshim” të sponsorizuara nga Irani, i cili mohon përfshirjen.
Përgjegjësia për sulmet në objektet e ndërmarrjes saudite Aramco u mor nga rebelët jemenas Huthi, të cilët gëzojnë mbështetjen e Iranit. /tesheshi.com/
