Pas të dhënës se njeriu që shtypi me kamionçinë e la të vdekur 8 persona në Manhatan, është shtetas me origjinë uzbeke, presidenti i Uzbekistanit ka reaguar menjëherë jo vetëm duke e dënuar sulmin, por dhe duke ofruar ndihmë në hetime.
“Uzbekistani është gati të përdorë të gjitha forcat dhe burimet për të ndihmuar në hetimin e këtij akti terrorist”, tha presidenti uzbek Shavkat Mirziyoyev.
Ky i fundi i shprrehu ngushëllime homologu Trump, ndonëse nuk e konfirmoi zyrtarisht identitetin ose kombësinë e atentatorit.
“Ne dënojmë çdo formë dhe manifestim ekstremizmi dhe terrorizmi”, tha ai. “Ky krim i pamëshirshëm dhe shumë mizor nuk mund të ketë asnjë justifikim”, theksoi presidenti Mirziyoyev. /tesheshi.com/
