Kolumnisti turk Ismail Yasa thotë se vendi i tij duhet të veprojë më me vendosmëri dhe të sigurojë tërheqjen e forcave të regjimit sirian pas pikave të kontrollit turk me çdo kusht, për të kundërshtuar planet anti-turke, dhe së pari duhet të ndalojë Rusinë.
Në një artikull të botuar në gazetën Dirilis Postasi, ai flet për planet kundër Turqisë, siç është propozimi për të zhvilluar një takim në Kajro muajin tjetër, ku qëllimi nga vendet pjesëmarrëse është ristrukturimi i opozitës siriane, e cila përfshin Partinë e Punëtorëve të Kurdistanit (PKK) dhe Njësitë e Popullit Kurd (YPG), duke synuar ta heqë Turqinë jashtë lojës.
Shkeljet dhe “agresioni” i regjimit sirian vazhdojnë, pavarësisht se Turqia lëviz një numër të madh të trupave të saj në zonat e deskalimit dhe i shkaktoi humbje të mëdha regjimit sirian, dhe ekziston vetëm një arsye për këtë: Damasku po mbahet nga mbështetja e Moskës, shkruan autori.
Presidenti sirian Bashar al-Asad vazhdon “shkeljet dhe agresivitetin” pasi ai është i bindur që trupat turke të transferuara në Idlib nuk do të përdoren pa pëlqimin e Rusisë, shkruan ai, dhe beson se është i mbrojtur nën kujdesin e Rusisë dhe Presidentit Vladimir Putin.
Yasa gjithashtu tërhoqi vëmendjen për rolin e luajtur nga Arabia Saudite dhe Emiratet e Bashkuara Arabe në krizën Idlib, duke vënë në dukje se një takim i përfaqësuesve të të dy vendeve me Rusinë dhe regjimin sirian u mbajt kohët e fundit si një përpjekje për të provokuar Ankaranë. /tesheshi.com/
