Përfaqësuesja e vendit organizator të Kupës së Amerikës e ka përfunduar veprimtarinë në të njëjtën mënyrë siç e nisi, me një humbje ndaj Kolumbisë.
SHBA-të, teksa do të humbisnin ndaj Kolumbisë në ndeshjen hapëse të Kupës së Amerikës, bënë të njëjtë gjë para pak orësh, duke humbur ndaj të njëjtit ekip në sfidën për vend të tretë.
1-0 fituan kolumbianët në “University of Phoenix Stadium” të Arizonës. Shënuesi i golit të vetëm ishte Carlos Bacca, që e çoi topin në rrjetën kundërshtare në minutën e 31-të.
Në një përballje ku nuk munguan rastet, ashtu siç nuk munguan dhe përplasjet, dy prej lotarëve nga kampet respektive, Orozco e Aris, do të ndëshkoheshin me karton të kuq në fundin e ndeshjes.
Vendi i tretë për Kolumbinë është rezultati më i mirë i arritur që nga viti 2001, kur edhe do të fitohej Kupa e Amerikës.
E për amerikanët, vendi i katërt arrihet për herë të dytë që nga viti 1995, si paraqitja më e mirë e tyre.
Pas mesnatës së ditës së sotme, në 02:00 të së hënës, luhet finalja e Kupës së Amerikës, një përsëritje e finales së vitit të shkuar: Argjentinë – Kili. /tesheshi.com/
