Gjuajtjet nga pika e bardhë e 11-metërshit kanë vendosur se cila prej skuadrave, Peruja apo Kolumbia, do të vazhdonin më tej në Kupën e Amerikës.
Një çerekfinale e luftuar ka qenë ajo mes tyre, gjatë minutave të së cilës nuk ka patur asnjë gol, po ashtu si dhe në shtesat.
Dhe kur janë gjuajtur penalltitë, kolumbianët janë treguar më të saktë, përpos një pritjeje të portierit Ospina.
Për kolumbianët, që fituan 4-2 me 11-metërsha, shënuan, James Rodriguez, Cuadrado, Moreno dhe Perez.
Te peruanët, Ruidiaz dhe Tapia u treguan të saktë, gjuajtjen e Trauco-s e ndaloi Ospina me këmbë, e Cueva e çoi topin mbi portën në të të katërtin 11-metërsh.
Kolumbianët u turrën pas fitores të përqafojnë portierin Ospina, që veç penalltisë së pritur, e pati shpëtuar ekipin e tij dhe më herët.
Kolumbia arrin kështu për herë të parë në gjysmëfinalet e Kupës së Amerikës që nga viti 2004.
SHBA-të janë ekipi tjetër gjysmëfinalist.
Dy gjysmëfinalistët e tjerë mësohen pas çerekfinaleve në nisje të së dielës, Argjentinë – Venezuelë dhe Meksikë – Kili. /tesheshi.com/
