Koloseu, atraksioni më i famshëm turistik i Italisë, do të rihapet për vizitorët nga 1 qershori, pothuajse tre muaj pasi u mbyll për shkak të pandemisë koronare.
Menaxhimi i parkut arkeologjik, i cili përfshin Koloseun dhe Forumin Romak, deklaroi në njoftimin e rihapjes që muajt e kaluar, “të rrethuar në heshtje surrealiste”, kanë qenë shumë të vështirë për ta.
Në të ardhmen, vizitorët në Kolose do të duhet të regjistrohen, të veshin maska dhe të matin temperaturën e trupit të tyre në hyrje.
Ata do të hyjnë çdo 15 minuta në grupe deri në 14 persona.
Orari i rreptë
Ata që dëshirojnë të vizitojnë Forumin Romak, do të duhet të zbatojnë një orar të rreptë lëvizjeje përmes mbetjeve arkeologjike, i cili mund të zgjasë midis 30 minuta deri në dy orë e gjysmë.
Çmimi standard i biletës do të jetë akoma 16 euro, me kushtin që biletat për turnin e pasdites, të cilat do të vlejnë nga ora 14:00e tutje, mund të blihen me një çmim prej 9.5 euro.
Ashtu si monumentet e tjera italiane, Koloseu dhe muzetë e Forumit Romak u mbyllën në 8 Mars.
Këto vende u vizituan nga më shumë se 7.5 milion vizitorë vitin e kaluar. /tesheshi.com/
