“Era” e trajnerëve italianë në Shqipëri, duket se sapo ka nisur. Të paktën këtë mund të mendojnë lojtarët e tifozët e Partizanit, të cilët kanë provuar më parë stërvitjen e Agostinelit dhe Sormanit, e mbase mund të kenë një tjetër shans me trajner italian.
Drejtuesi eksplicit i klubit të kuq, Luçioano Moxhi, ka nisur kontaktet me një emër të njohur në bankinat italiane, pikërisht Franko Kolombën. Ndryshe nga italianët e mëparshëm që nuk kishin eksperienca lançuese në Itali, 62 vjecari Kolomba ka stërvitur disa skuadra të Seria A, ku përmenden Parma, Rexhina, Livorno etj.
Madje një prej ish- lojtarëve të Kombëtares shqiptare, Erjon Bogdani, e ka patur trajner Kolombën, kur luante për Rexhinën, rreth 17 vjet më parë. Pas nënshkrimit të Kristian Panuçit si trajner i Kombëtares së Shqipërisë, emri i Kolombës do të ishte një tjetër kandidaturë prestigjoze për të drejtuar një skuadër shqiptare.
Mbase gradualisht, me ardhjen e emrave të tillë, futbolli shqiptar sikur i ikën “anonimatit” në trajning, e merr një kontur të ri më profesional dhe më pranë klubeve të tjera europiane.
Nëse Franko Kolomba do të pranojë ftesën e Moxhit, atëherë Partizani do të hynte zyrtarisht në merkato, e cila, nisur nga emrat, parashikohet shumë pretenduese./tesheshi.com/
