Policia në Francë të hënën filloi kërkimet për “dhjetra” individë pasi një çeçen i preu kokën një profesori të historisë i cili ishte dënuar me vdekje në disa qarqe myslimane, tha ministri i Brendshëm Gerald Darmanin.
“Ata lëshuan një fetva kundër profesorit,” tha Darmanin për Radio Europe 1.
Më shumë se 80 hetime janë hapur për shkak të përhapjes së urrejtjes përmes rrjeteve sociale, tha ministri.
“Armiqtë e Republikës nuk do të kenë as një minutë pushim,” njoftoi Darmanin dhe tha se ata ishin “duke krehur” shoqatat.
Shërbimet civile do të vizitojnë 51 shoqata gjatë gjithë javës dhe disa prej tyre, të tilla si Komuniteti Kundër Islamofobisë në Francë (CCIF), do të shpërbëhen, tha Darmanin.
CCIF është “e përfshirë qartë”, tha ai për aleancën, e cila “merr ndihmë financiare nga shteti, lehtësime taksash”.
Darmanin citoi gjithashtu OJQ-në Baraka City, e cila u themelua nga myslimanë të profilit salafist dhe presidenti i së cilës, Driss Yemmou, është nën mbikëqyrje si pjesë e një hetimi për abuzimine në media sociale.
Vrasja u dënua gjithashtu nga udhëheqësit myslimanë
Kur përmendi fetva-në kundër profesorit, ministri nënkuptonte babanë e një studenti në shkollën Bois d’Aulne në Conflans-Saint-Honorine afër Parisit dhe aktivistin musliman Abdelhakim Sefrioui.
Të dy u arrestuan si pjesë e hetimi pas vrasjen e kryer nga çeçeni 18-vjeçar, i cili u vra më pas nga policia.
Mësuesit të historisë Samul Paty u ekzekutua me prerje koke pasi u tregoi studentëve karikaturat e Profetit Muhamed, të cilat ishin arsyeja për vrasjen në vitin 2015 të disa gazetarëve dhe karikaturistëve të së përjavshmes satirike Charlie Hebdo.
Vrasja brutale u dënua gjithashtu nga udhëheqësit muslimanë. Ky akt dhune u perceptua nga shumë figura publike si një sulm ndaj thelbit të shtetësisë franceze dhe vlerave të tij – sekularizmi, liria e fesë dhe liria e shprehjes.
Vrasja e profesorit të historisë erdhi vetëm disa javë pasi presidenti Macron u kritikua nga shumë intelektualë dhe përfaqësues të OJQ-ve për shpalljen e një ligji që do të lejonte kontrolle më të forta mbi organizatat dhe hoxhallarët muslimanë në vend. /tesheshi.com/
