SHBA përcjellin mesazhin se presin “me padurim” ardhjen në krye të shtetit të Bajram Begajt, i cili do pasojë njeriun jo pak kokëçarës për amerikanët në 5 vjet, Ilir Meta.
Në këtë kuadër, është realizuar një takim mes ambasadores Yuri Kim dhe presidentit të ri, i cili pret korrikun për të hyrë në selinë e Presidencës shqiptare.
“Ambasadorja e SHBA Yuri Kim u takua sot me Presidentin e zgjedhur Bajram Begaj në Pallatin Presidencial (Pallati i Brigadave) në Tiranë. Ajo e uroi atë për zgjedhjen e tij si President i ardhshëm i Shqipërisë dhe përsëriti se Shtetet e Bashkuara presin me padurim të vazhdojnë bashkëpunimin e shkëlqyer me të në detyrën e tij të re.
Ambasadorja Kim e falënderoi atë për kontributin e tij në forcimin e marrëdhënieve SHBA-Shqipëri si Shef i Shtabit, veçanërisht gjatë stërvitjes ushtarake Defender Europe 2021 dhe vuri në dukje se ajo pret shumë takime të tjera me Presidentin e zgjedhur Begaj gjatë presidencës së tij të ardhshme”, thuhet në njoftimin e shpërndarë nga Ambasada e SHBA në Tiranë. /tesheshi.com/
