Këngëtari i njohur amerikan R. Kelly i cili po përballej me akuza për abuzim seksual, u arrestua dje në Çikago lidhur me akuzat e sipërpërmendura, si dhe për pengimin e drejtësisë.
Autoritetet thanë se këngëtari më i njohur i muzikës R&B ishte marrë në paraburgim rreth orës 7 të mëngjesit dhe po mbahej nga autoritetet federale.
Akuzat përfshijnë pornografi të fëmijëve, joshje të të miturve dhe pengim i drejtësisë, ndonëse detaje të tjera pritet të dalin në vijim.
Fituesi i çmimit Grammy, emri i vërtetë i të cilit është Robert Kelly, u arrestua edhe në muajin shkurt, pasi katër gra e akuzuan për abuzim të tyre në moshë të mitur.
Pas pak javësh, ai u deklarua i pafajshëm dhe u lirua me kusht.
Kelly shmangu burgun për akuza të ngjashme që iu bënë më shumë se një dekadë më parë, pavarësisht se gazetat Chicago Sun dhe Times kishin ofruar fakte se Kelly kishte keqpërdorur seksualisht të miturit. /tesheshi.com/
