Khalid Sheikh Mohammed, udhëheqësi i al-Kaedës që planifikoi sulmet e 11 shtatorit 2001, ka shfaqur gatishmëri për të bashkëpunuar në një proces gjyqësor të ngritur nga viktimat që kërkojnë dëmshpërblim nga Arabia Saudite. Kjo, sipas avokatëve, do të bëhej nëse Shtetet e Bashkuara vendosin të mos kërkojnë dënimin me vdekje kundër tij.
Oferta e Mohamed u zbulua vonë në një letër të paraqitur në Gjykatën e Qarkut në Manhattan nga avokatë që përfaqësonin individë dhe biznese që kërkojnë miliarda dollarë dëme, bën me dije Reuters.
Qeveria Saudite ka mohuar prej kohësh përfshirjen në sulmet e 2001, në të cilat aeroplanët e rrëmbyer goditën në Qendrën Botërore të Tregtisë në New York, Pentagonin dhe një fushë në Pensilvani. Gati 3000 njerëz vdiqën.
Michael Kellogg, një avokat nga Uashington që mbron qeverinë Saudite, nuk pranoi të komentojë.
Khalid Sheikh Mohammed dhe të arrestuarit e tjerë të Guantanamos kanë marrë pjesë në seancat paraprake lidhur me dënimet e tyre. /tesheshi.com/
