Ditën që hynë në fuqi sanksionet amerikane ndaj Iranit, Arabia Saudite vuri gurthemelin për ndërtimin e të parit reaktor bërthamor në këtë mbretëri të Lindjes së Mesme, në një përpjekje për të futur një gamë të larmishme të burimeve të energjisë, sipas agjencisë Reuters.
Arabia Saudite po përdor aktualisht naftë dhe gaz natyror për të përmbushur kërkesat e saj për energji, të cilat po rriten, shkruan kjo agjenci.
Në ceremoni ishte i pranishëm Princi i Kurorës Bin Salman, njeriu që këto javë është nën reflektorët e mediave për çështjen “Khashoggi”.
Disa media kanë kujtuar se në mars, Princi deklaroi se nëse Irani zhvillon armë bërthamore, edhe Riadi do të bëjë të njëjtën gjë.
Ndërkohë, Riadi përshëndeti vendimin e Presidentit Trump në maj për t’u tërhequr nga marrëveshja bërthamore me Iranin nënshkruar në 2015-ën nga administrata Obama me përkrahje të fuqishme perëndimore. /tesheshi.com/
