Marrëdhëniet ndërmjet Real Madridit dhe Manchester United janë ftohur dukshëm pas dështimit të marrëveshjes me portierin spanjoll David de Gea. Dy klubet akuzuan njëra tjetrën për mospërfundim në kohë të dokumenteve deri sa në fund doli që “djajtë” ishin vonuar në mënyrë që ta mbanin portierin ende në Old Traford.
Por, marrëdhëniet mes këtyre du klubeve nuk kanë qenë gjithmonë të vështira, përkundrazi lidhja mes tyre daton që në vitin e largët 195. Në këtë kohë, Real Madrid iu “gjend” klubit anglez pas tragjedisë së Mynihut, ku nga rrëzimi i avionit të United, humbën jetën disa futbollistë.
Viti i tragjedisë
Në vitin 1958, Real Madrid u kurorëzua me një tjetër titull kampion i Europës. Por, fitorja në kompeticionin më të vlefshëm për nga rëndësia në Europë nuk ishte ajo që e karakterizoi klubin mbretëror. Madrilienët gëzuan një respekt të jashtëzakonshëm me ndihmën e ofruar Manchester United që kishte pësuar një aksident të rëndë ajror, ku kishin ndërruar jetë tetë futbollistë, tre anëtarë të stafit dhe dhjetë persona të tjerë që gjendeshen në bord.
Ndihmesa e madrilienëve
Real Madridi ia kishte dedikuar titullin e Europës pikërisht anglezëve të Manchester United. Pos kësaj ata kishin organizuar një ndeshje miqësore me United-in e ri në mënyrë që të kontribuonin me sa më shumë fonde për klubin nga Old Traford. Gjithashtu klubi mbretëror kishte ofruar edhe një shumë të konsiderueshme parash për t’I ardhur në ndihmë skuadrës së shkatërruar në ato momente.
Dy klubet karakterizoheshin nga marrëdhënie mjaft të mira mes tyre. Këtë e tregon edhe numri i madh i lojtarëve të transferuar nga këto dy skuadra. Por, tashmë qëndrimet kanë ndryshuar, sidomos nga Real Madridi që e ndjen veten të tradhëtuar nga Manchester United, lidhur me transferimin e portierit David de Gea. /tesheshi.com/
