Ndërsa në anën kosovare të Kodrës së Diellit kanë filluar punimet për ndërtimin e ski-qendrës ultra- moderne në vlerë prej 410 milion euro, kjo gjë nnuk po ndodh në anën maqedonase.
Qeveria e duhej të investojë 30 milion euro në Kodrën e Diellit përmes autorizimit të kompanisë shtetërore për prodhimin e energjisë elektrike ELEM.
Tre vite më vonë, nuk është punuar as në ndërtimin e teleferikut, pjesë e rëndësishme për të tërhequr vizitorët e skijimit.
Teleferiku në Kodrën e Diellit pritet të jetë gati muajin e ardhshëm pasi Ministria e Transportit dhe e Ekologjisë ka siguruar lejet për përfundimin e punimeve.
Teleferiku prej gjashtë ulëseve, në shtator duhej të fillonte të instalohet, por për shkak të siç thonë formaliteteve administrative kjo ende nuk është filluar.
Drejtuesi i Nismës “Ta shpëtojmë Kodrën e Diellit”, Hamdi Sulejmani thotë se ka pasur takim me drejtorin e ri të ndërmarrjes “Elem Turs”, ku ka marrë premtim se janari është muaji zhvillimeve.
“Shpresojmë se nga janari do ketë zhvillim të ri rreth atij projekti për realizimin e tij, por ia lëmë kohës të shohim se çka konkretisht do bëjnë”, tha Hamdi Sulejmani.
Në vitin 2013-të ka filluar ndërtimi i rezervuarit të hapur për ujë ku shkaku i shkaktimit të dëmit në tubat e ujësjellësit të Tetovës që mbaruan vitin e kaluar, gjë që ka bërë që punimet për ndërtimin e teleferikut me gjashtë ulëse në kodrën e Diellit të zvarriten.
Miradie Hasani – /tesheshi.com/
