Ministrja për Dialog, Edita Tahiri e ka cilësuar kondin telefonik të Kosovës si një arritje e madhe për ekonominë e vendit. “Tashmë, e gjithë Kosova përdor kodin +383. Përfitimi është historik. Kosova fiton pavarësi në fushën e telekomunikacionit. Përfitimet ekonomike janë milionëshe. Ajo që është kryesore, është se Serbia ka njohur Kosovën në fushën e telekomunikacionit”, ka deklaruar Tahiri.
Megjithatë, ajo apeloi që ky proces të vijojë normalisht, pa hasur në pengesa. “Letra që duhet t’i shkojë ITU është që Serbia të mos na pengojë politisht, siç na pengoi në UNESCO. BE ka gjetur mënyrat që përmes diskutimeve me ITU, Austria të bëjë aplikimin për në Kosovë”, tha ministrja.
Ajo shtoi se me kodin telefonik të gjithë operatorët ilegal do të largohen nga Kosova.
Tahiri komentoi mbi deklaratat e Marko Gjuriqit se Serbia ka fituar shumë me këtë marrëveshje. “Ndërkombëtarisht garantohet se Serbia nuk mund të ndërhyjë me operatorët ilegal. Në momentin që Kosova bëhet gati për operatorin e tretë, kompania serbe e licencuar duhet te ndaloje veprimtarinë e saj”, përfundoi ajo./tesheshi.com
