Autoritetet shqiptare kanë kërkuar ndihmën e ekspertëve francezë për zbardhjen e shkaqeve që çuan në rrëzimin e helikopterit EC 145 në Liqenin e Shkodrës.
Ditën e sotme ministrja Kodheli ka takuar ambasadorin francez në Tiranë, Bernard Fitoussi, të cilit i ka kërkuar edhe zyrtarisht ndihmë prej ekspertëve francezë.
Autoritetet kanë marrë nën mbikëqyrje kutinë e zezë si dhe kartën e memories së kameras së sigurisë, e cila është dërguar në Gjermani për ekspertizë.
Helikopteri u rrëzua mesditën e së mërkurës mbi Liqenin e Shkodrës. Dy pilotët Florian Deliaj dhe Donald Hoxha gjetën vdekjen, ndërsa tragjedisë arriti t’i mbijetojë personi i tretë në bord, ushtari profesionist Gerald Baramuça.. /tesheshi.com/
