Gjithçka rreth gjysmë toni të kokainës që u kap javën e shkuar në një magazinë bananesh në Durrës po ecën në teori konspirative.
Prej disa ditësh në media shqiptare po shpërndahen lajme të rreme mbi deklarata të Armatës Kolumbiane apo ministrit të Mbrojtjes së Kolumbisë, që iu referoheshin sajteve fantazmë.
Taulant Balla foli dje në Kuvend duke deklaruar hapur se kemi të bëjmë me një fake neës që është shpërndarë nga ambjente të caktuara në Tiranë.
Por përse hapen fake neës-e kur normalisht mund të pritet hetimi dhe më pas të shikohet realisht kush është zinxhiri real i drogës?
Pikërisht sepse tek ky zinxhir ndodhet enigma e madhe dhe që ka filluar të zbërthehet.
Dy agjenci të rëndësishme ligjzbatuese ndërkombëtare kanë në dorë fjalëkryqin e 613 kg kokainë, ngarkesë që u kap javën e shkuar dhe nuk është arritur ende të kapet porositësi apo financuesit e operacionit.
Edhe pse kryeministri Rama i dha meritat e qeverisë shqiptare, mbi operacionin kanë pasur dijeni agjenci shumë të rëndësishme, por që e vërtetë është se operacioni është monitoruar direkt nga Tirana.
DEA amerikane në bashkëpunim me policinë shqiptare, ose mirë me thënë me bërthamën e përbashkët të krijuar në Tiranë, ka ndjekur operacionin që në gjenezë, pra kur është blerë malli; i cili më pas është ngarkuar e nisur për në Shqipëri duke kaluar Ekuadorin e më pas ngushticën e Panamasë.
Pikërisht këtu është kryer dhe kontrolli i parë normalisht i përciptë nën kontrollin e DEA-s amerikane.
I gjithë çelësi i operacionit qëndron tek kodet e vendosura në paketimin e kokainës së pastër, e cila është kryer në një fabrikë kolumbiane në kufi me Ekuadorin.
Brenda operacionit të paketimit ka pasur informatorë të të amerikanëve që janë atashuar së bashku me ushtrinë kolumbiane brenda karteleve..
Kodet e çdo paketimi janë çelësi për të identifikuar pronarët realë. Kodi në vetvete është një sistem alegoritmesh sa i thjeshtë aq edhe shumë i ndërlikuar. Kodimi është kryer nga një person i cili ka lidhje me të gjithë financuesit e ngarkesës së drogës.
Dilema është nëse pronari është një apo disa. Ka dyshime se kodet janë për të hedhur hi syve, por informacione të besueshme e mbështesin faktin se kemi të bëjmë me një sistem i cili dihet nga shumë pak persona.
Një burim shumë i rëndësishëm i amerikanëve ka folur mbi sistemin shqiptar të kodifikimit të kokainës. Ai përdoret rëndom në importet e drogës së fortë që bëhet në Britaninë e Madhe.
Aktualisht për këtë ngarkesë, bëhet fjalë për një nga krerët e rëndësishëm të trafikut të drogës që konsiderohet “peshk i madh”.
Siç mësohet, dëshifrimi i kodeve të kokainës po kryhet në një zyrë të një agjencie shumë të fuqishme. Kodi do të sjellë zbulimin e gjithçkaje jo vetëm mbi gjysmë ton kokainë të kapur në Maminas, por mbi të gjithë sistemin e trafikut të drogave të rënda.
Në një raport të BE-së thuhet se se që prej verës së këtij viti është aktivizuar urdhëri që Shqipëria të ndryshojë: nga trafiku i mariuanës të kalojë në atë të kokainës.
Infrastruktura e shpërndarjes është gati: në Gjermani, Zvicër, Holandë Itali, Greqi dhe Britaninë e Madhe. Por financuesit e importit nga Amerika Latine nuk janë shpërndarësit.
Në vitin 2016, tesheshi.com ka publikuar një shkrim mbi një superoperacion në Europë ku janë kapur mbi 30 baronë shqiptarë droge,12 prej të cilëve kanë nisur bashkëpunimin dhe kanë theksuar se ata janë vetëm ushtarët. Siç kanë qenë edhe me heroinën.
Shumë herë është folur se në operacionin e Lazaratit nuk u kapën kapot e vërtetë por vetëm kultivuesit dhe përpunuesit.
Siç mësohet, kapot realë janë vënë në survejim dhe janë në kontroll të agjencive ndërkombëtare.
Pasi që atëherë DEA kishte sjellë studimin ku thoshte se kartelet e mariuanës do të kaloni shpejt tek kokaina, pasi kishin në duar si vlerat monetare, sistemin e shpërndarjes por edhe superstrukturën e korruptimit të shtetit. Tani duket se do të nisë zbatimi i kapjes që mendohet se është dokumentuar.
Por frika është që kjo të shkaktojë një tronditje të madhe tektonike në vend, te politika sigurisht…/tesheshi.com/
