Zëdhënësja e Brukselit Maja Koçijançiç tha që qeveria e re e Kosovës, kur të formohet, duhet të heq taksat e importit 100% për mallrat nga Serbia, ndërsa Serbia detyrohet të krijojë një klimë të favorshme për bisedime për të mbajtur funksional dialogun me Kosovën.
“Bashkimi Evropian pret që të gjithë aktorët politikë të qëndrojnë të përkushtuar ndaj një procesi që është thelbësor për Kosovën, Serbinë dhe të ardhmen e rajonit”, tha ajo për median e Prishtinës.
“Ne vazhdojmë të punojmë ngushtë me shtetet anëtare dhe partnerët tanë ndërkombëtarë, Shtetet e Bashkuara të Amerikës. Dialogu BE-Serbi ndërmjetësohet nga Kombet e Bashkuara, një proces i iniciuar nga Asambleja e Përgjithshme e Kombeve të Bashkuara dhe mbështetur nga Shtetet Anëtare të BE”, tha Koçijançiç.
Media e Beogradit raportoi javën e kaluar se Shtëpia e Bardhë po kërkon njohjen e pavarësisë së Kosovës nga Serbia dhe se Presidenti Trump, përmes të dërguarit special Richard Grenell, i cili së fundmi u takua me Presidentin Vuçiç në Beograd, ka thënë se Serbia duhet ta njohë Kosovën.
“Ishte një bisedë shumë e vështirë. Grenell, fjalë për fjalë përcaktoi kushtin që Serbia duhet ta njohë Kosovën. Ai tha se Amerika do të ndikojë në BE për të rritur presionin mbi Beogradin zyrtar”, tha një bashkëbisedues pa emër.
Suzana Vasiljeviç, këshilltare e shefit të shtetit serb për media dhe marrëdhënie me publikun, konfirmoi se biseda ishte e pakëndshme nga pala serbe.
Trump e ka emëruar Grenellin si të dërguarin e tij për bisedimet Serbi-Kosovë, megjithëse Uashingtoni më herët ka emëruar Matthew Palmer, i cili është gjithashtu ka në axhendë arritjen e një zgjidhjeje për Kosovën, si Përfaqësues Special i Ballkanit Perëndimor. /tesheshi.com/
