Një ditë pas shpalli se është dakort për hapjen e listave, por pa prekur koalicionet, opozita doli për të denoncuar atë që e quan lojë të Ramës për të zhbërë koalicionet.
“Ishte Edi Rama që si publikisht, ashtu edhe në Këshillin Politik, refuzonte të diskutonte këtë temë. Ishte Edi Rama që refuzonte listat e hapura dhe ishte kundër tyre. Sepse cdo lëvizje e Edi Ramës është e motivuar nga frika e zgjedhjeve dhe humbjes së pushtetit të tij. Objektivi i tij, njëlloj si këto 4 vite pa rreshtur, ishte të ndalojë Opozitën e Bashkuar të konkurojë në zgjedhje e bashkuar si koalicion.
Për këtë qëllim, Edi Rama paraqiti në Kuvend, në mënyrë të njëanshme, një amendament kushtetutes që heq koalicionet parazgjedhore si subjekt zgjedhor”, u ta në një deklaratë të përcjellë nga treshja Bardhi-Bylykbashi-Vasili.
Gjithsesi, deklarata ka qenë e gjitha një akuzë, pa u thënë se çdo të bëjë opozita më tej.
“Maska e Edi Ramës ka rënë. Të gjithë shqiptarët e kanë kuptuar nuk është hapja e listave, por ndalimi i koalicioneve parazgjedhore.
Me ndalimin e koalicioneve parazgjedhore Edi Rama në praktikë çon votat që qytetarët hedhin kundër tij dhe Qeverisë së tij, për partitë e vogla të koalicionit opozitar, që prodhojnë mandate opozitare, si vota për Partinë Socialiste. Pra, votat që qytetarët hedhin për të larguar Edi Ramën, sipas propozimit të Edi Ramës për heqjen e koalicioneve, prodhojnë mandate për Edi Ramën”, thuhej ndër të tjera në deklaratë.
Ndërsa sa i përket tezës së Ramës së hapja e listave pamundëson teknikisht koalicionet si tani dhe detyron tjetër formulë, opozita thotë se kjo mund të zgjidhet si në Kosovë.
“Koalicioni që përdorim sot është një formë liste e hapur, ku zgjedhësi përcakton fuqinë e secilës parti. Është e njëjta gjë që po përpiqemi që të bëjmë me këtë propozim. Por Edi Rama kërkon të mbyllë listën e partive. Këto të dyja funksionojnë shumë mirë dhe pa asnjë problem.
Votuesi cakton partinë dhe kandidatin e asaj partie në një fletë votimi, si për partitë brenda apo jashtë koalicionit. Çdo parti e koalicionet del me emër të veçantë.
Është teknikalitet i zgjidhshëm lehtësisht, si në Kosovë“. tha Oerd Bykykbashi. /tesheshi.com/
