Ashtu si Isa Mustafa që me shumë zhurmë thoshte në fushatën zgedhore të vitit të 2014-tës se nuk bën koalicion me asnjë kusht me PDK-në, së fundmi një premtim të tillë e ka bërë edhe kandidati për kryeministër i koalicionit LDK-AKR-Alternativa, Avdullah Hoti.
Në një intervistë me Zërin e Amerikës, ai ka thënë se dalja e mundshme në opozitë e PDK-së, “do ta çlironte shtetin nga ngulfatja.”
“Unë besoj që do të arrijmë të kemi një fitore të thellë dhe shpejt të themelojmë parlamentin, qeverinë dhe institucionet tjera. Ajo që është e rëndësishme është që Partia Demokratike e Kosovës të dalë në opozitë për një kohë të gjatë për t’i liruar institucionet e vendit nga një ngulftaje që ka ndodhë tash e sa vite. Kjo është, mendoj, në interes të qytetarëve të Kosovës dhe shtetit. Jemi të vendosur që PDK-në ta nxjerrim në opozitë për një kohë të gjatë”, ka thënë Hoti.
Kujtojmë se LDK sa herë ka thënë se nuk do bëj koalicion me PDK-në e ka thyer premtimin pas zgjedhjeve duke u bashkuar me rivalin e madh politik. Dhe arsyeja çdo herë ka qenë “u bashkuam për të mirën e shtetit”.
