KMSH ka ndryshuar kokën drejtuese të Myftinisë së Tiranës, duke larguar nga ky post Ylli Gurrën e zëvëndësuar me Laurent Lulin, ky i fundit një kuadër në institucionin përfaqësues të muslimanëve, por pa ndonjë staturë të lartë fetare apo shoqërore.
Gurra gjithsesi do qëndrojë në institucion, me rolin një këshilltari.
Ai ishte një prej garuesve për kreun e KMSH-së përballë Bujar Spahiut në zgjedhjet e 5 marsit, e pas humbjes lëshoi akuza të rënda duke thënë se institucioni u morr peng nga grupime okulte, duke nënkuptuar gulenistët.
Ylli Gurra ndërtoi ndër vite një staturë publike, qyshse u shfaq si klerik aktiv pak vite më parë. /tesheshi.com/
