Kontrolli i Lartë i Shtetit i ka kërkuar Bankës së Shqipërisë që ta paguajë vjedhjen kolosale në këtë institucion nga fondet e veta dhe jo nga buxheti i shtetit, që paguhet nga qytetarët.
Janë plot 713 milionë lekë që u vodhën në thesarin e BSH-së për të cilën u largua edhe Guvernatori Adrian Fullani.
Pas vjedhjes, Banka e Shqipërisë e ka kontabilizuar të gjithë shumën si humbje në bilancin e këtij viti. Ky veprim e hedh automatikisht koston e vjedhjes tek qytetarët duke ulur me 713 milionë lekë fitimin që Banka derdh në buxhetin e shtetit. Por në raportin e fundit të auditimit, KLSH thotë se kjo është e parregullt dhe përbën një shkelje të pastër të displinës financiare.
/tesheshi.com/
