Me 10 vota pro (në mungesë të anëtares Esmeralda Keshi), Këshilli i Lartë i Prokurorisë ka marrë vendimin të pezullojë nga detyra prokurorët Edmond Karriqi dhe Maksim Sota, e kjo për shkak të masës së sigurisë personale “arrest me burg”, respektivisht “arrest në shtëpi”, vendosur nga Gjykata e Posaçme Kundër Korrupsionit dhe Krimit të Organizuar.
Pezullimi zgjat deri në rënien e shkakut për të cilin është vendosur, ndërkohë që vendimi mund të apelohet në Gjykatën Administrative të Apelit.
Për prokurorin Edmond Karriqi thuhet se morri 2 mijë euro për ndërrimin e një mase arresti. Hetimet tregojnë se prokurori u pagua në shtëpinë e tij në Kavajë, ndërkohë të afërmit shfaqen të gëzuar në telefon e thonë se paguam, pra sipas përgjimeve.
Ndërsa prokurori i Vlorës Maksim Sota është arrestuar në kuadër të operacionit “Shpirti” si i implikuar në afera droge. /tesheshi.com/
