Anëtarët e rinj të Këshillit të Lartë të Prokurorisë dhe Këshillit të Lartë Gjyqësor kanë hyrë në fuqi edhe pse Parlamenti nuk ka arritur t’I zgjedhjë me 3.5-tat.
Tashmë sipas ligjit, nëse politika nuk gjen consensus vepron shorti.
Këtë e ka përshëndetur ambadori amerikan në Tiranë Donald Lu.
“Politikanët në të majtë dhe në të djathtë kanë frikë nga reforma në drejtësi. Mos u përqendroni në lajmin e keq se politikanët dështuan sërish të bashkëpunojnë për përzgjedhjen e anëtarëve të KLGJ dhe KLP-së. Përqendrohuni në lajmin e mirë se Kushtetuta e kishte parashikuar këtë gjë dhe sot i përzgjodhi anëtarët në mënyrë rastësore. Unë e kam më shumë besim në një përzgjedhje të rastit sesa në përzgjedhjen nga politikanët. Reforma në drrejtësi ka hedhur një hap përpara”, tha Lu në një deklaratë të shpërndarë në Facebook.
Ditën e hënë ishte hera e tretë dhe e fundit, por në Nënkomisionin e Posaçëm të Ligjeve nuk u ra dakord. Emrat që shorti i listoi për 5 vende në KLGJ dhe 5 në KLP nga radhët e avokatisë, pedagogëve dhe shoqërisë civile u zyrtarizuan si anëtarë edhe pse nuk do të gëzuan mbështetjen e 94 votave për miratimin në bllok të listave.
ANËTARËT JO GJYQTARË PËR KLGJ
AVOKATIA
Fatmira Luli
Alban Toro
PEDAGOGËT
Erion Muharremaj
Maksim Qoku
SHOQËRIA CIVILE
Naurela Llagami
ANËTARËT JO PROKURORË PËR KLP
AVOKATIA
Nurihan Seiti (Metaj)
Tartar Bazaj
PEDAGOGËT
Gent Ibrahimi
Sandër Beci
SHOQËRIA CIVILE
Alfred Balla
/tesheshi.com/
