Ministri i Mirëqenies Sociale dhe Rinisë, Blendi Klosi ka uruar sot të gjithë besimtarët myslimanë për festën e Fitër Bajramit.
Ai tha se në këtë ditë e gjithë qeveria ndodhet pranë shtresave në nevojë, të cilët presin zgjidhje për problemet e tyre nga ana e pushtetit vendor e atij qendror.
Ministri Klosi nuk harroi të përmendte as ndërtimin e Xhamisë së Madhe, për të cilën tha se është viti i parë që në këtë ditë feste nuk përmendet ky problem për besimtarët.
“Është Bajrami i parë që nuk flasim për Xhaminë e Madhe. Qeveria shqiptare e zgjidhi këtë problem. Nëpërmjet ndërtimit të xhamisë ne realizojmë promovimin e tolerancës fetare. Uroj Gëzuar festën e Bajramit dhe të gjithë ata që kanë agjëruar Zoti jua pranoftë agjërimin!”,- tha Klosi./tesheshi.com/
