![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Menaxheri i Borussia Dortmund, Jurgen Klopp, e ka përshkruar disfatën 2-1 të skuadrës së tij nga Juventusi si një “top-rezultat”.
“Ne ia dolëm vërtet mirë gjatë pjesës së parë, por pranuam një gol të kotë për të kaluar 1-0 në disavantazh”, ka thënë Klopp për Sky.
“Mënyra se si ndodhi nuk është e lehtë të kuptohet nga ana ime”.
“Por pas barazimit ishte një ndeshje e shkëlqyeshme nga ne. Në pjesën e dytë ne kishim vetëm një, ose dy shanse të vogla, derisa Juve kishte një rast të madh për ta bërë 2-1”.
“Ne zakonisht u shkaktojmë ekipeve mirë të organizuara shumë probleme. 2-1 është një top-rezultat”, ka thënë gjermani.
Ndërkohë mesfushori gjerman i Borussia Dortmundit, Marco Reus, më i miri te skuadra e tij në përballjen ndaj Juventusi, ka deklaruar se nuk mërzitet shumë për humbjen pasi gjithçka do të vendoset në terrenin e tyre.
“Ndoshta kemi mundur të nxjerrim diçka më shumë. Pas barazimit 1-1 ne ishim më mirë në ndeshje dhe disavantazhi 2-1 ishte një marrëzi. Në pjesën e dytë, të dyja skuadrat deshën të vazhdojnë në mënyrën e tyre. Tani duhet të rregullojmë këtë në ndeshjen e dytë”, thotë Reus.
“Ne duhet të jemi më të vendosur, nuk brengosem aspak. Gjithçka është e mundur në ndeshjen e kthimit”, përfundoi Reus.
