Jurgen Klopp me skuadrën e tij asesi nuk po munden dot ta thyejnë skuadrën West Ham United, që drejtohet nga kroati Slaven Biliç. Në duelin e zhvilluar në Anfield, në kuadër të Kupën FA, skuadrat e mbyllën ndeshjen pa gola, e që për të përcaktuar fituesin nga ky çift, duhet të zhvillohet edhe ndeshja kthyese.
Marrë në përgjithësi, dueli ishte i barabartë me dy skuadrat që kishin mundësitë e tyre, mirëpo miqtë e patën rastin më të mirë në ndeshje, kur goditjen e futbollistit Antonio e ndali vetëm shtylla, duke ia mohuar kështu fitoren çekanëve, që njëherit do iu mundësonte kalimin tutje.
Në këtë mënyrë, skuadra e Liverpool, nuk po arrin të gjejë formulën e fitores ndaj ekipit të Slaven Biliç, ku dhe dy ndeshjet e fundit në Premier League i kanë humbur 2-0 dhe 3-0. /tesheshi.com/
